Skilmálar og skilaréttur

Um verslunina

BH Clothing selur handvalda vintage merkjavöru. Hver flík er einstök og aðeins til í einu eintaki. Hafðu samband á bhclothing@bhclothing.is ef eitthvað er óljóst — við svörum fljótt.

Pöntun og greiðsla

Þú greiðir með greiðslukorti um leið og þú pantar. Þegar þú ýtir á „Greiða“ færistu yfir á greiðslusíðu Teya, sem sér um kortagreiðsluna fyrir okkur. Kaupin eru frágengin þegar greiðslan hefur tekist — þá sendir Teya þér kvittun með pöntunaryfirlitinu í tölvupósti.

Aðeins er til eitt eintak af hverri flík, svo flíkin er tekin frá fyrir þig í 30 mínútur á meðan þú klárar greiðsluna. Sá sem greiðir fyrst fær flíkina. Takist greiðslan ekki, eða hættir þú við, fer flíkin strax aftur í sölu og ekkert er skuldfært. Sitjir þú lengur en 30 mínútur á greiðslusíðunni getur annar náð flíkinni á undan þér — þá endurgreiðum við að fullu ef greiðslan náði í gegn.

Öll verð eru í íslenskum krónum.

Öryggi í greiðslum

Kortaupplýsingarnar þínar eru slegnar inn hjá Teya og koma aldrei við hjá okkur — við sjáum þær hvorki né geymum. Hjá okkur situr aðeins pöntunin sjálf: nafn, netfang, símanúmer, afhendingarupplýsingar og staðfesting á að greiðslan hafi tekist. Öll samskipti við síðuna eru dulkóðuð.

Nánar um meðferð upplýsinganna á persónuverndarsíðunni.

Sending

Við sendum um allt land með Dropp — á afhendingarstað (870 kr.) eða heim að dyrum (1.410 kr.). Pakkinn fer af stað innan 1–2 virkra daga frá greiðslu og þú færð SMS frá Dropp þegar hann er tilbúinn. Nánar á sendingarsíðunni.

14 daga skilaréttur

Þú hefur 14 daga frá afhendingu til að falla frá kaupunum, í samræmi við lög um neytendasamninga. Til að nýta skilaréttinn sendirðu okkur tölvupóst innan frestsins og skilar flíkinni í sama ástandi og þú fékkst hana — hrein og óbreytt.

  • Kaupandi ber kostnað af skilasendingu.
  • Við endurgreiðum kaupverðið (að meðtöldu upphaflegu sendingargjaldi) innan 14 daga frá því að flíkin berst okkur.

Ástand og gallar

Allar flíkur eru notaðar og ástandi hverrar flíkur er lýst heiðarlega á vörusíðunni. Eðlileg notkunarmerki á vintage flík, sem lýst er í vörulýsingu, teljast ekki galli. Ef flík reynist verulega frábrugðin lýsingunni skaltu hafa samband — þá lögum við málið með skilum, afslætti eða endurgreiðslu.

Aftur í verslun